Vereinegde Staote

Poll without page-refresh

Article on other languages:

	del.icio.us
	Digg
	Furl
	Reddit
	Rojo
	Add to OnlyWire

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

United States of America

Basisgegevens

Offesjeel taol gein, Ingels gebrukelek

Staotshoof George W. Bush (sinds 2001)

Vicepresident

Dick Cheney

[[{{{titelhoofregering1}}}]] {{{naomhoofregering1}}}

[[{{{titelhoofregering2}}}]] {{{naomhoofregering2}}}

[[{{{titelhoofregering3}}}]] {{{naomhoofregering3}}}

Religie 52% Protestants
24% Katheliek
2% Heilige der Letste Daag
1% Joeds
1% Islamitisch
20% Euverig / atheist

Opperflaakde
– % water 9.631.419 km²
4,87%

Inwoeners
– Deechde: 295.600.000
31/km²

Euverige

Munteinheid US Dollar (US$)

Tiedzaone UTC -5 tot -10

Nationale fiesdaag

4 juli

Vouksleed

The Star-Spangled Banner

Web | Code | Tel. .us | USA | +1

De Vereinegde State van Amerika (aofgekort V.S., Ingels United States of America, aofgekort U.S.A., in de volksmoond Amerika) is e federatief rippebliek in Noord-Amerika. Nao bevolking en oppervlak is 't 't derde laand, polletiek, ikkenomisch en militair is 't de mechtegste natie op Eerd. Ouch cultureel en wetensjappelek heet dit land hiel väöl in te bringe. Hoofstad is Washington D.C.; New York is evels väöl groeter. Aander belaangrieke stei zien Los Angeles, Miami, Pittsburg en San Francisco.

Bestuurleke indeiling

't Land oontlient ziene naom feitelek aon zien bestuurleke indeiling. 't Is opgedeild in 50 state, die 'ne wiedgoonde vörm vaan oonaofhenkelekheid höbbe. Zoe höbbe ze eige wètte, eige senate en Hoezer vaan Aofgevaardegde en eige Oppertribunale. Washington behuurt neet tot 'n staot meh ligk in 't zoegeneumde District of Columbia. Wijer höbbe de VS nog inkel gebede die boete de indeiling in staote valle.

De staote zien:

De VS behierse ouch nog de volgende eilen, die boete de indeiling in staote valle:

Taole

De VS höbbe gein officieel taol, allewel tot bekaans ederein 't Ingels behiers. 't Ingels vaan de VS versjèlt dudelek vaan 't Ingels in Groet-Brittannië; de versjèlle zien evels kleiner es die tösse 't Mestreechs en 't Zittesj. 't Is de mojertaol vaan 81,1% vaan de Amerikaanse bevolking. Spaons is mèt 10,7% 'n gooj twiede. Daonao volge 'nen houp immigrantetaole, dèks vaan generatie op generatie doorgegeve, allemaol mèt minder es 1% sprekers: Sjinees, Frans, Duits, Tagalog, Vietnamees ezw. De meist gesproke inheimse taol is 't Navajo.

De VS in internationaal verband

De VS zien vaanaof de opriechting lid vaan de Vereinegde Naties en zien de militair kern vaan de NATO. Ze bekleie eine vaan de vief permanente zetele in de Veilegheidsraod vaan de VN. 't Hoofkerteer vaan die organisatie is in New York gevesteg. Recentelek is väöl kritiek gekoume op president George W. Bush, die ziech dèks boete internationaal conventies plaots, beveurbeeld door 't neet oonderteikene vaan 't Verdraag van Kyoto en door 't slech behandele vaan kriegsgevangene.

Historie

Noord-Amerika woort in de zeventiende en achtiende iew door Europese koloniste bevölk. In 1775 koume 13 Ingelse kolonië in opstand; die verklaore ziech in 1776 oonaofhenkelek (zuug Amerikaanse Oonaofhenkelekheidsverklaoring). In 1783 trokke de Ingelse legers ziech trök. In 1789 woort de Groondwet oetgeveerdeg, die vaan de VS 'n parlementair democratie maakde. De groondwet woort "heileg" verklaord: naodeen is niks mie draon veranderd, inkel touwgeveug.

In de negentiende iew greujde 't land aon mèt Ingels, Frans, Spaons, Mexicaans en Indiaans gebeed, soms mèt geld, daan mèt geweld. Oeteindelek umspande 't gebeed vaan de VS de gaanse breide vaan Noord-Amerika, vaan de Atlantische Oceaan tot aon de Stille Oceaan. 't Ooste vaan 't land raakde lankzaamaon geïndustrialiseerd; 't dunbevolkde weste bleef nog laank achter ("Wilde Weste"). Zwarte bladzij in de historie zien de dèks bleudege oorloge tege de Indiane, die soms bekaans oetgeroejd woorte, en boeveur de Amerikaanse officiere middele wie oethoongering door 't massaal oetmoorde vaan bizons neet sjuide. Vaan 1861 to 1865 woort 't land versjäörd door 'n Börgeroorlog.

In de twintegste iew woort 't land tot twie kier touw 'ne wereldoorlog ingesleip. 't Laand, dat tot daan veural 'n isolationistische polletiek had geveurd, raakde mie en mie betrokke bij de Wereldpolletiek. Nao de Twiede Wereldoorlog kaom 't land mechteger es oets tegeneuver de USSR te stoon, boemèt de Kawwen Oorlog begós. 'n Fiasco waor d'n oorlog tege Viëtnam, dee de VS verlore en hendeg väöl minseleves kosde. Aander oorloge, gewoenlek um (gedeiltelek) humanitair reies begós, waore succesrieker. Sins 't instorte vaan 't communisme roond 1990 zien de VS de eineg euvergebleve supermach. De lèste jaore greujt de kritiek op 't land dat es aggressief en imperialistsich gezeen weurt.

Zuug ouch Presidente van de VS

Len in Noord-Amerika
Antigua en Barbuda \| Bahama's \| Barbados \| Belize \| Canada \| Costa Rica \| Cuba \| Dominicaanse Rippebliek \| Grenada \| Guatemala \| Haïti \| Honduras \| Jamaica \| Mexico \| Nicaragua \| Pánama \| Saint-Kitts \| Saint-Vincent \| El Salvador \| Santa Lucia \| Trinidad en Tobago \| Vereinigde Sjtaote van Amerika
Aafhenkelike gebejer: Anquilla \| Aruba \| Bermuda \| Guadeloupe \| Martinique \| Nederlandse Antille \| Puerto Rico \| Sint-Maarte (Frans)

Aafkomstig van Wikipedia, de Vriej Encyclopedie. "http://li.wikipedia.org/wiki/Vereinegde_State_van_Amerika"

Categorieë: Gesjreve in 't Mestreechs | Noord-Amerika | Vereinegde Sjtaote van Amerika

This article is from Wikipedia. All text is available under the terms of the GNU Free Documentation License.